失散十三年後--北京第一天(2009Apr4)王府井

第一天　[4月4日]

KA902 Dep HKG 1500 Arr PEK 1825-->北京新侨諾富特饭店-->王府井 + 东华门小吃街

由於係坐KA902 (HKG 1500 PEK 1825), 食既就係晚餐,
不過我地係上機之前都食左個大力水手餐打左底

最原先, 我係打算食少係飛機上食少D, 去到王府井大戰掃街
所以我就訂左低卡路里餐(來回都係呢個餐), 點知都唔餐, 個雞Breast都唔太鞋口
另有兩舊南瓜西蘭花, 又有『克根達斯冰極淋』, 真係好多飽!

無聊仔連機場個廁所都影一餐! 好鬼無聊架佢!!!

差不多四年都無再番北京, 原來這一個新的terminal 3好靚, 又光又亮, 仲要係開左一年
不過由機場出東直門, 坐機場快線, 係要先經過terminal 1 & 2
先會出到三元橋, 再抵達東直門咖! 我估大概計埋等車, 都用左成40分鐘先到東直門!
北京地鐵真係好麻煩, 有自動行人扶手電梯既, 又無開, 無既, 又無升降機!!!
我地拉住d行李上上下下真係好辛苦呢~九曲十三彎後, 最終抵達祟文門了!!!

好無奈地等緊上無人駕駛!

你要我地等咁鬼死耐, 真係relax唔到喎~

鬼屎咁多人等個架無人駕駛去拎行李, 唉!!!

黑暗中等車~

幸好有電視睇下解悶~

終於上到地鐵出發去東直門喇!!!
我地去到東直門, 第一樣野就係買一卡通! 係我地等緊個收銀嬸嬸拎卡比我地既期間
勁多人伸手黎買飛, d人真係好唔文明, 又唔排隊!!! 有無攪錯呀? 真係好想鬧鬼佢地!

地鐵好多人呀~

Novotel!!!

新僑Novotel還不錯, 都幾新正~

第一站: 王府井

我地真係影到個井出黎, 都唔知係堅定流~

一蚊一串羊肉同板筋~

好想食酸辣粉添!!!

呢檔d人麻麻, 唔想做生意咁既...

旗幟飄揚~好似好勁咁!

之後食左呢個銀絲卷, 都幾好食~

好多芽菜咖!!!

一點都唔好食, 又臭又咸, 仲要找錯錢, 又唔太願意比番錢我地...好奇怪!!!

食到我地都唔想食!

梁小姐話想試, 又貴, 最後問了人好不好吃, 當然係: 不建議買來吃

吃過呢條燒粟米之後, 真係飽到上心口, 咩都唔洗食添呀~

咁我地唯有漫步至東華門再戰~

先來一個熱豆花

再來一個炸魚, 成十蚊一條, 都幾貴!!!

好睇唔好食既凍栗子!

見我影成咁, 就知道唔好食啦! 魯肉面, 得個咸字!!!

回酒店再大擦凍蟹, 食到成手都係蟹味, 第二朝仲有味~

最後我地就係坐呢架三腳雞走佬番酒店, 同的士一樣價! 十蚊雞!