海鮮島海鮮酒家

一行六人放工去左清水灣布袋澳食海鮮慰勞一下平辛勞的自己!
呢餐飯真係約左好耐時間喇...所以我地點都一
定會山長水遠入去食餐勁!

去到人都不算是很多很多! 我同同事G就拿拿林去左搵野食, 唔知今晚有咩好食呢?
同事G好怕D識得郁
既動物, 所以好多時都係我走去睇下有咩好食, 佢就驚到企到好遠好遠~

那個老闆娘(我估係掛)打晒識, 想食咩就同佢講, 點煮法就由佢話事就好喇...
刺身是一個食
法, 再將佢兩味, 又係一個好主意喎!

好快地就叫左一桶桶的海鮮, 真係唔記得叫左D咩黎喇真係...
到左番埋枱先逐樣逐樣
上, 咁先記得叫左D咩!

白灼蝦

唔洗講都是係好新鮮啦! 如果唔得既, 我個一定會即刻生瘡, 好中咖!
所以依度D海鮮真係好新鮮, 只只都好生猛咁!

墨魚刺身

嘩~好精螢通透, 睇落去好似會發光咁~爽口彈牙不在話下,
鮮味真係好重要!!!

海膽蒸旦

估佢唔到咁好味喎~平時不吃海膽的我, 都覺得真係好好味! 送飯真係一流,
可惜我地太多送喇, 所以唔可以叫飯!

芝士龍蝦伊面

熱辣辣, 好香蝦味呀! 肉多彈牙, 真係令人一而再, 再而三地向它下手喇!
伊面又索晒龍蝦的鮮味同芝士的香味, 正~

象拔蚌刺身

又係好FRESH, 同墨魚既口感差不多, 一樣係新鮮?新鮮!

椒鹽鮮魷

唔咸喎,但係都好彈口喎~之不過就少了一份香味~

膏蟹+象拔蚌粥

嘩~好多紅色橙色的膏喎~仲有好多蚌呀~今次之最!

粉絲蒜泥蒸扇貝

大只,味美,唔洗講,好味! 唔洗落豉油都好好味呀~

椒鹽琵琶蝦(瀨尿蝦)

蝦蝦蝦蝦, K哥哥話想食, 就叫啦! 好大只蝦呀,
點解佢會咁大只咖?一開4都得?

食晒上面所有野, 真係飽到上喉嚨頂!
連埋汽水啤酒一人都係五舊水, 想點呀?
叫左勁多
野食, 真係抵到暈左係度...

最後叫埋甜品: 昆布綠豆沙+木瓜雪耳糖水+馬蹄露
呢一餐真
係好滿足而歸!

用餐日期： 2010-05-14

是次消費： 每人約HKD500

Bananas Cake from Japan

多謝晒黃生，離左職仲成日送野比我！
好感恩，可以識到佢，因為好多道理都係佢教曉我
入職頭個幾個月，真係咩都唔知，連彭博都唔識用
招股書都唔知係邊度搵！
多得他，我才會去學那麼多的東西！
所以，他離開了公司，我都不介紹做你的私人助手
做打字員，訂機票，幫你的家人弄東弄西問這問那！
大家都是清華人嗎，無得計咁多咖喇！

雖然我唔食，但都拿左回家孝敬媽媽！

Mother's Day@黃珍珍泰國菜館

媽媽比較鍾情泰國菜，所以做人個女的，就要早兩星期打黎訂位啦！

六點半到達，已見人頭多的是，真係可以講話係人頭湧湧！好不容易才迫到前頭去問一下領位員，告訴了訂位人數
及姓氏，沒有回應！咁即係想點呢？再問，又扮聽唔到，掛住寫即場等的號碼，完完全全沒有理會過我！激氣死我！

之後，我再派妹妹問多一次，佢先話有就叫我地！咁即係點呀？訂左位都要等，咁我訂黎做咩呢？人又多，企都無
得企，你又唔理我，真係唔想我番轉頭再幫親你既姐！Wendy姐!

等的時候，才發現佢地既訂位制度好有問題！我地兩星期前訂３個又得，佢地訂９個又唔得！再到後來，點都無得
訂，咁即係點呢？黎到又無位比我，紙都唔比一張！

好喇，媽媽出口再問，佢先話下一張比我地！你究竟想點呀？講野又細聲，叫人地點聽你講野呀？係唔係要圍住你
先聽到你講野呀？真係唔知對住你笑好，定係鬧你好喇！

等上十五分鐘，分得一張紙，紙上有ＢＸＸ，又唔同我地講點搵枱，問其他服務員，又要等上三十秒！點
解你唔一早話過我地知係地下個層呢，等我地左搵右搵！

串燒沙嗲牛豬雞六串

全部都熱辣辣，好好味，牛唔太香口膠，豬又唔鬚，雞又好香！下次可以叫夠一打上！
如果有埋羊就誇啦啦！

泰式炒粉

唔太油，份量都好夠下，三個人差少少食唔晒！好多配料喎！有芽菜大量，仲有韮菜比
你，金邊粉又爽口彈牙！正！

芒果蟹肉炒飯

芒果甜，蟹肉則唔見有，炒飯偏淋身，腰果很多！

馬拉盞炒通菜

勝在不咸不油不膩！而且都幾多莖，葉不多！炒得夠爽口！

粉絲蟹煲

好多粉絲，而且成只蟹上比我地！不過可以ｄ粉絲吸晒ｄ汁，食到最後好咸且膩！但全
只蟹足以令我忙足一小時半！好好味呀，蟹是肉蟹，沒什麼膏，本人至愛！

青木瓜沙律

媽媽的至愛，有生菜跟上，但只有五大片，唔夠要再加錢，但係木瓜底有太多汁喇！而
且再辣一點點會更加好！不過媽媽仍是很喜愛！

生蝦刺身

蝦肉夠晒清爽新鮮甜美，配上蒜蓉辣汁，正到飛起呀！

雜錦西米糕

本人不太好吃這種甜點，但見底下有好多西米，而且款多又無重覆！應該都幾正！