元綠迴轉壽司 (沙田)

星期四的7點半左右, 都唔見有人龍, 唔通經濟真係唔好?
好快就有得入座喇, 仲要係坐bar位, 而order位反而唔洗等添喎~

三十五蚊既挪威三文魚刺身買一送一, 都幾抵~ 共沒有將價就貨而薄了一點呢~

炭燒鰻魚點解唔熱既? 只係覺得佢有d暖咋喎

燒墨魚鬚壽司又係唔熱既...

火灸芝士三文魚壽司, 火灸芝士帆立貝壽司, 火灸芝士蝦壽司, 三樣都係燒芝士only, 都無燒過入面既...而且芝士味蓋過左原本個壽司味~

三色當, 幾得意, 三文魚子, 柱貝同三文魚都幾多, 甜甜地, 幾好味啦~

炸鰻魚春卷, 熱辣辣, 幾好味~ 另一番風味可言!

佢地係會漏單咖, 見佢地15分鐘仲未有, 我都係自己拎算...
綠茶--太淡了, 飲左幾杯之後都無晒茶味, 而且佢d水唔夠熱!!!

是次消費:
每人約HKD$90
(晚餐)

評分: 味道 3   環境 4   服務 3   衛生 3   抵食 4

地址 :

沙田車站連城廣場1樓連城美食坊101號鋪

Triple O's Hong Kong (金鐘)

junk food--但好好味~

Chicken Strips -- 外層炸漿幾薄, 食落脆口, 不過就好油下, 入面 d 雞肉有好多! 忘了點 honey mustard 添...>.<

Potato Chips -- 薯味仍然非常濃郁!!! 熱辣辣真係好好味~

朋友食既burger係乜都唔記得問添...掛住傾計...

是次消費:
每人約HKD$60
(午餐)

評分: 味道 4   環境 4   服務 4   衛生 3   抵食 2

地址 :

金鐘道88號太古廣場二期LG1地庫009號舖(Great Food Hall)

海鮮三文魚愛心粥

材料: 急凍海鮮包 (大昌有售, 內有尤魚, 硯肉等)
生三文魚幾條 (等粥滾時, 可用胡椒粉醃一醃佢)
乾堯柱幾粒
鹽, 胡椒粉
白米

1. 先將急凍海鮮放入滾水過一過, 將急凍味去走
2. 生三文魚切粒
3. 乾堯柱因忘了早一晚浸, 所以要放左熱水卓番淋佢
4. 兩杯白米洗淨, 放左電飯煲加水(約20杯水), 煮到佢bob bob聲, 落乾堯柱及海鮮
5. 十分鐘就要攪佢一攪, 免佢熱得不平衡及痴底
6. 快將食得前十五分鐘, 下三文魚, 放入粥中, 埋藏佢地係d粥入面, 同時加胡椒粉及鹽調味
7. 食得喇!!!

一心想學好煮送既我, 看到大少奶出書, 即買, 毫不猶豫就買左...
遇上商務剛好做緊85折呢...yeah!!!

期望太高, 好普通, 有d似pizza味~ 都係原味既bbq EDO 薯片好食d, 甜d又唔咸!!!

芥末雙層魚柳包

地址 :

金鐘海富中心地下1-41號舖

lunchtime的時候, 同事去了呢間麥當當買左個開心樂園餐, 食了個芝士漢堡
外賣係會入落個紙袋, 但係無野壓住個包咖喎, 佢都偏晒, 仲包得勁肉酸添喎, 個包係見到咖

乜個包唔係放左中間再包實佢咖咩? 點降未打開就見到個包皮既?

放工去試了一個新的包--芥末"雙層"魚柳包 ($18)

真係無乜人去食, 但就好多人坐係度
叫了只有一個包, 等了一分鐘
坐埋左係d嬸嬸後面, 佢地就包早餐個d刀叉, 一邊傾計, 聽佢地打牙教

打開個包: d汁飛晒出黎個張紙度, d生菜仲趺出黎添!!! 唉! 點食呀?
一試個包: 汁唔夠多, 因為飛晒出黎, 而且唔夠攻鼻, 魚柳煎得炸左火, 有d燶!!!

18蚊一個包真係唔太掂~

源記茶餐廳 + 清真牛肉館

小同聚吃拉面小籠包
閒逛九龍城瘋狂購物振興香港經濟再食茶餐廳
唔貴唔買無折唔買為做尊貴會員再買 食清真牛肉咖哩牛腩蔥爆羊片

一心想食下午茶, 但眼望四周d餐廳都係泰國+越南dinner多, 3點鐘, 唔係食lunch, 又唔係食dinner, 又唔想食得太heavy, 咁就行左好耐先搵到呢一間外觀好似好特別既茶記喇!

叫了一個

雲吞面餐+

凍奶茶少甜(陳生終於都記得要叫佢少甜喇!!! 次次都唔鬼記得, 又成日嫌人地好甜)
雲吞面: 有4-5個雲吞呢, 好似好抵食!!! 面又彈牙, 雲吞而又好大粒, 而且有2只蝦係入面咖!!!
凍奶茶: 都幾好, 不過唔係好夠凍, 唔會太甜呢...(可能係陳生叫佢少甜, 哈哈哈~)

陳生一個人食, 我唔食, 佢都唔會趕我地走, 仲比個卡位我地坐添...
走個時, 見到有一堆男人打完波黎食野, 睇黎都幾旺場喎~

是次消費:
每人約HKD$26
(下午茶)

評分: 味道 4   環境 3   服務 4   衛生 3   抵食 4

地址 :

九龍城侯王道97號地下

振興完香港既經濟之後, 我地過左九龍城廣場既對面馬路食小食
只不過都係雪梨茶+咖哩魚旦一串,合共15蚊
雪梨汁唔太甜, 真係即搾比你, 不過唔凍
而咖哩魚旦則太林及唔辣喇...唔好食! 又細粒!

兩個人竟然唔洗等位, 6點鐘半咖喇喎~

閒逛完九龍城瘋狂購物振興香港經濟
就去左去食野, 兩個人都係137蚊, 好抵!!!

咖哩牛腩好大兜喎~男朋友叫了一個白飯, 唔夠, 再叫多一個先得, 因為真係太好味~
佢d牛腩唔肥, 而且好多筋, 唔知下次可唔可以走左d筋佢呢? 因為我飲倆都不甚喜歡
汁香又夠辣, 又未會去到噴火流汗, 但真係好入味!

蔥爆羊片好大碟, 2個人都食唔晒, 不過就油左d, 咸左d
蔥好入味, 又好夠香夠多, arm晒我呢d蔥怪
羊片唔蘇, 但有少少似係牛肉喎~

牛肉餅最遲上, 但係最早叫...
熱辣辣,一咬開牛肉餅,汁全部湧晒出黎, 流晒入個碗度, 我要裝番佢入個皮度!
不過面頭係油左少少囉! 可能真係即整既, 佢地又多人叫喎~
我將將temple放左面, 索左勁多油出黎囉!!!

但係so far so good!!!

是次消費:
每人約HKD$70
(晚餐)

評分: 味道 4   環境 3   服務 4   衛生 3   抵食 4

地址 :

九龍城龍崗道 1 號

北上吃喝玩樂玩個夠~

周末 吃喝玩樂梳乎日
看書嘆茶食點心逛超市修甲修腳踩背食乳鴿

1030am係火炭等姨姨, 連同媽媽一行三個 女人北上

先去科學館站去找清華同房朋友仔, 送上香港帶過去的黃道益活絡油
之後去了看書, 買了一本科學書, 逛了半個小時多一點點

再答番地鐵去國貿飲afternoon tea@丹桂軒 (因為我係攜程vip, 所以有9折)
三個人都係90蚊人仔, 可能我地咩小食都唔比佢掠我地錢, 只係收左我地茶錢同毛巾等加一小費, 其他既都係我地個肚內
叫了齋腸粉(超滑!!!), 仲有山竹牛肉, 小籠包, 綠茶炸茶果, 白粥 (連菜圃), 煎蝦米腸, 蒸鯪魚肉, 仲叫了龍井+鐵觀音茶!
最唔好就係要等好耐呢, 等左差不多廿分鐘呢~

去左三島按摩, 只不過都係由國貿站的walmart 超市shopping完就過去, 真係向左走完再向右走, 三個女人買完一大袋野, 就去左按腳按身, 仲按左宮廷式推油
幫我按個個女人, 真係好勁, 佢一腳踩落我個背脊度, 真係好舒服! 可能佢知道我受得力掛, 按完之後真係一身鬆晒, 我記低左佢個numbers, 下次再搵番佢先得!

差不多8點鐘,我地去左樓上的潮皇軒食飯, 真係好平, 而且佢d茶真係好香下!!!
一蚊一只扇貝, 18蚊一只乳鴿, 14蚊一個雜菜煲, 豆腐又係滑過我塊面, 想點呀?
嘩~食完仲有紅豆沙送添喎~ 飽到真係想嘔!
食完坐番架三島車番關口番香港, 快靚正!