牛雜@廟街

當我排緊四季之時, 見到對面有人又排緊隊, 咁就洗左男朋友去排隊
買左20蚊一盒既牛雜番黎, 有魚旦, 牛肚、膀、腎?、腸、肺等,豬紅,豬皮
嘩~樣樣都好似好好味咁, 佢賣7蚊一串, 真係好抵食喎~
新鮮熱辣辣, 仲正過深水步喎真係...
樣樣都爽口彈牙, except牛肺之外, 因為本人唔食...
而豬紅又勁熱, 食晒所有野先食佢, 都仲係辣口咖!!!

唔怪得之佢咁多人排啦~ 抵食!

推介菜式:豬紅
是次消費:
每人約HKD$10
(晚餐)

評分: 味道 4   環境 3   服務 4   衛生 2   抵食 4

地址 :

油麻地鴉打街18號

多人排=好食@廟街四季煲仔飯

六點鐘就走左去排隊啦~ 眼見另一邊的著名煲仔飯(興記)仲未有人排兼有table之際,
我地就見到有10幾20人排緊呢一間四季!!!

見未食過, 而又有咁多人排, 一定唔會難食咖喇, 咁就排一排
等左大約15-20分鐘, 入到去, 好明顯係旺場旺到爆, 個個張枱一定有2-3個煲仔飯
好喇, 唔洗諗喇, 一於叫佢地既18蚊系列!

排骨煲仔飯($18)

田雞煲仔飯($40)
男朋友咀丟, 係都鐘意食田雞, 不過佢話d田雞好似熟過頭, 有d鞋口喎~

而我個排骨飯就好似少左d排骨喎~ 而飯好似唔係好夠豉油味, d豉油問題!

食到最後, d飯焦好難整佢出黎食, 而且有好多都幾燶下, 唔係好敢食喇...

煲仔飯都好有煲仔味既...

是次消費:
每人約HKD$29
(晚餐)

評分: 味道 4   環境 3   服務 3   衛生 2   抵食 4

地址 :

油麻地鴉打街46-58號

Jagabee~~~

好多謝前同事每月一小食的送贈行動!!!
雖然我唔係佢地既fans, 但因為見到佢有個小小電話繩, 覺得好得意之下,
通知左jagabee既fan---Mandy 咪咪, 點知佢送埋比我喎~ hohoho!
份量少了一點, 味道咸了一點...

Burger King

Whopper

MushRoom Cheese Burger
唔知係唔係免費報紙有得送杯呢, 咁呢一日就真係好多人喇...
我地12點9去到, 見到有一條長長既人龍, 排到上去樓梯, 差d到地面添呀...
店內已經有一大個蛇餅, 跟住我地一行六人就分頭行事,
2個去搵位兼睇野食, 邊等位邊睇場

等了15分鐘左右, 有得坐有得食喇...yeah
我叫了個MUSHROOM with Cheese, so many mushrooms!!!???>.<
食完之後, 好頂胃, 可能係個beef啦!
加一蚊有一個onion rings, 都幾ok! 不過又係食唔晒!
配nestle凍檸茶喎~唔洗加錢, ok啦!

是次消費:
每人約HKD$40
(午餐)

評分: 味道 3   環境 3   服務 3   衛生 3   抵食 3

地址 :

灣仔軒尼詩道318號

Thanksgiving Day

又北上?

星期一請假北上,  冒其名hea下休息下,  其實陪三個阿太北上按摩食飯
今次去左愛康健按,  嘩!  真係賤物鬥窮人,  點解 100蚊可以按你4個鐘呢?
個按摩師咪手都斷囉!  哈哈哈~
我只係叫佢幫我按左3個鐘,  其餘一個鐘就叫修甲師幫我修修腳就算了!!!
之後, 我地找不到想食既地方,  就貿然答車番羅湖城, 打算答佢地既專車去啦~
點知搵唔到個架車喎~  咁就錯有錯著,  去丹桂軒食啦!
四個人食左三百九十蚊,  都算抵喎~

抵食下午茶@第一城紫米

兩個人, 每人都叫了12蚊一碗的河粉,

魚片魚旦河--2片魚片, 2粒小白魚旦

雲吞河--3粒中型雲吞, 蝦有兩小只, 但份量不多, 而河粉都算滑而多

另加五蚊有凍奶茶,一杯兩份飲, 抵呀,
因為碗河粉唔係好咸, 但真係好淡, 下了一些辣油才有一點點味道

是次消費:
每人約HKD$12
(下午茶)

評分: 味道 3   環境 3   服務 3   衛生 3   抵食 4

地址 :

沙田第一城中心G51-G54號舖地下

師傅多過侍應@壽司派 Hip Sushi 笑臉

未到8點鐘, 多人多到企晒係門口, 等左45分鐘先有位, 其間見到侍應真係好忙, 連叫枱個個姐姐仔都要去執枱就知...但係入面企bar 枱的師傅真係太多, 大大話話都有成10個, 比出面的侍應仲多!!!

落單叫野食, 成日都搵唔到人~

叫了3碟炙燒三文魚腩($15), 實在太好食喇...最後見佢好似唔係好夠熱, 就叫佢再燒下先, 點知真係勁好食...

灸燒三文魚, 無腩咁好食, 但$9真係好抵依喎~

灸燒鰻魚, 唔係好夠熱, 但都不俗, 好夠香

北寄貝叫了2輪, 第一輪好似唔係好夠新鮮, 第2次見佢放上去就知係剛整, 比第一次鮮味d

第一次食九州深海蝦, 唔算貴($26)兩只, 比佢個名吸引住, 而且比甜蝦更平, 試了一口, 不是那麼的鮮味, 但後來下了一點點青檸汁下去, 帶出鮮味來了~

甜旦壽司兩件($9), 雖然話係旦, 但難整咖, 所以我每次都會食...但今次真係好凍喎~ 等我下次叫佢比我整番熱佢先得~ 不過長下個塊旦, 都幾抵食~

魚湯, $18, 最貴的一碗湯, 記得以前係唔熱口, 今次就好好喇, 熱到辣口咖, 而且好香鮮魚味, 又有豆腐粒同海帶, 但最後我下得太多胡椒粉, 破壞了魚的鮮味添>.<

仲叫了一個卷物, 係炸咖, 好好味呀, 可能d飯炸過我最鐘意食, 好食到唔記得左佢叫咩名, 只記得$26有五舊仔~

是次消費:
每人約HKD$100
(晚餐)

評分: 味道 4   環境 4   服務 2   衛生 4   抵食 2

地址 :

沙田沙田正街18號新城市廣場一期1樓110號舖