~生日大快樂~小然~師妹甜品(長洲)

一早就預訂了cake比壽星妹, 雖然唔係正日,但係都叫做有早無遲呀嗎, heehee
打了電話去訂, 原來店主真係3點先開電話, 之前12點打去問, 點知真係無人聽
店主叫我send個生日牌上的字比佢, 同埋去之前15分鐘話比佢知, ok, no problem!

一齊準備就緒, 咁我地一行三個人, 就先去食d野打定肚,
再同壽星妹講, 天氣太熱, 我地不如去食ice cream啦~ yeah!!!
咁我就靜雞雞打電話去同店主講, 我地十五分鐘後到啦~
因為上次黎過, 所以記得點行, 無行錯路姐~
好細心地預留左一張table比我地3個人, 雖然真係迫左d, 不過好彩有冷氣係頭頂,
我們坐了十分鐘左右, 我就走左出去問店主攪掂未, 咦, 乜依家先寫牌既?
可能人客多, 所以唔夠時間整掛~唔緊要啦~我地嘆下冷氣先啦~

嘩, 有閃閃火花candles既火焰雪山呀!!!
壽星妹當然好surprise, 無想過, 我地只係話去食ice cream,點知整左個cake出黎
哈哈哈~我地影左一輪相之後, 就吹candles, 點知吹左好多好多次都未熄喎~

當我地想切之際, 唔知道原來大既火焰雪山都要燒咖喎, 以為佢地一早就燒左添~
今次無拉閘喇, 係拉布幕, 黑黑地, 我地黎唔切拍video, 只係影左一張相咋, 唔緊要啦~

好大陣rum酒味, 有d似vodka喎, 但下得重手左d姐~
不過好多雪糕呀, 份量對我地3個人黎講, 真係岩岩好喇~
雪糕未溶得晒, 解暑最好呢~

~生日大快樂~小然~故鄉俱樂部(長洲)

來長洲的第一站就係呢度食手卷, 再食佢地個紅豆餅~

買了十五蚊四個, 餅暖但變到好軟,
紅豆餡雖很豐富, 但如果有有紅豆粒的話就更好了!
還是以前8佰伴的好味, 但吃了2個都不是太滯還好~

再叫了一個手卷, 是一個蟹柳蟹籽手卷和小然的腸仔蟹籽手卷,
醬油下得剛好, 不咸不多! 正!
一個都要十五蚊, 不算平...

原本呢個手卷應是一個老女人做的, 有人問她為何不是她做,
她就說是她的徒弟做, 不是她做了, 退休咁話~

食完個手卷同紅豆餅, 有d飽了, 剛好填飽了少少我地呢班餓鬼~

~生日大快樂~小然~興樂菜館(長洲)

一早就訂了海邊，點知真係熱到我地頂唔順喇，唯有要求坐裡面啦！
太好喇，有一間細細地既房仔比我地，內有獨立洗手間同電視機，
可以容納到３張細桌、１張中桌及１張大桌！

一早就諗好左食ｄ乜咖喇，但點都要問下壽星女先得！

＄198有5個送，真係邊度搵，係長洲先有咁平，
而且服務又唔差，真係好極, arm晒我地呢理慳家精呢～
我地叫了以下的菜：蒜蓉蒸扇貝、薑荵炒蟹、豉椒炒蟶子、椒鹽瀨尿蝦、上湯浸白菜仔，味道如下：

蒜蓉蒸扇貝
細碼的扇貝有八隻，油份多了點，味精都下得很夠，
但肉鮮爽甜，配上粉絲及大量的蒜蓉，好味到食完一只再食一只

薑荵炒蟹
隻蟹好細隻，但都有兩小只，冇咩蟹肉，主要食佢ｄ味，唔差！

豉椒炒蟶子
好多都甩晒殼，但都有２０粒掛！
豉椒好惹味呀，唔會太咸，用黎送飯真係好得！

椒鹽瀨尿蝦
份量都叫多，應該有一打掛，炸得好脆，雖然真係無咩肉食，但都好好味！
不是太咸，都算不錯，好難做得唔好食既其實．．．哈哈哈

上湯浸白菜仔
好清，又有金銀旦，又有咸旦黃，白菜仔又乾淨，我無食到沙囉～

叫了兩個白飯，兩個人分剛好，但可能我地無肉落過肚，
好似差左ｄ咁，就去下場啦！！！甜品，我地黎喇！

心...ハート...HEART

如果你有心



記得有天晚上，當我執拾鞋櫃執拾清潔時，發現了一對鞋

一對曾經因為實際用途而買的鞋，為的完全不是外在美，而

是它的內涵

雖然只是買了一年零十個月，不是很久，

但到了今天，可以說是「食之無味，棄之可惜」

留下它，是一份感情，棄掉它，是一份恨心；

那麼為何要棄掉它呢？皆因．．．



如果你有心，就會想起我說過想做的「幾」樣事情

如果你有心，就會記起一起相處的時間有多「少」

如果你有心，就會諗起誰人為對方「付出」比較多

如果你有心，就會發現「見面多」並非等同「陪伴了」

如果你有心．．．

舊事重提

費時半個時辰，心想手打，拾樣野：



壹：喜歡『小孩子』，特別是牙牙學語的『嬰兒』，但一過

三左歲的『小朋友』，請勿騷擾，閣下小孩請自理，故此應該唔會生育小孩，責任太重大了，自己都未玩夠未長大好，就要生一個出來，有點像『獻世』（可能有點兒誇張，但此乃個人意見，不認同者可不理）



貳：自中六起，就愛上做運動，一開始就來過長跑，繼而是鐵餅，再來個壁球，以上三項都曾參加過比賽而獲獎無數，更獲過運動日的全場女子總季軍（不過有點兒那個，由於全場什麼什麼獎的得獎者一定要參加過田賽及徑賽，而事實上，我只奪了鐵餅冠軍、四百及接力獎牌而已）自此，更出外不斷參與大大小小香港舉行的比賽；又學了游泳、健康舞、瑜珈等等。



參：自認識了劉嘉美那年起，人生作了很大的改變，運動多了，朋友亦慢慢開始多了，多了參與不同的活動，又有公益少年團、少年警訊、青年團，街外的交流團更開始多得不得了！幹過不同的義工，遠赴不同中國地區考察，可謂一試上癮。



肆：以前覺得朋友要日日見才稱得上是好朋友（其實那個時候只有好朋友和家人，沒有普通的點頭朋友，最簡單的叫做同學），慢慢地，覺得世界不再圍著自己團團轉，明白到『朋友不需時常見面，偶爾聚聚，就大滿足矣』，如今，朋友在心中的地位已大變更了。你可以大大聲地說我是『重色輕友』，以前不怎覺得會變成這樣子，但現在越覺得是，可能我就是喜歡一年三百六十五天黏著同一個人吧！但請你絕對不要誤會我忘掉了你！但有時，人是雙向的，找了你幾次都沒有回應的，心都會淡，想找的次數都會減少，我明白呢！不過我是奇怪的動物，朋友我又唔會唔搵既，更不會不瞅不睬，一旦再約，更會顯得雀躍萬分，興奮莫名！我仍舊十分重情的，當我應定你是我的朋友，你就是一輩子的了！不過我對知己的定義收得好峽義了！



伍：對著好朋友，什麼都會說，沒有什麼叫做秘密，這就可能叫做口直心快，有那句說那句吧！好朋友我更不會跟她／他計較東計較西，誰付錢都沒有所謂，喜歡請客就請客，喜歡送你小禮物就送。



陸：媽媽常說我不關心她，但心底總是記掛著她。口是心非就是我這種人吧！自爸爸魂歸天國起，大概小四之後吧；話，真的不想多說，討厭重重覆覆地說這說那。可能就是這樣，口才不好，不懂得甜言蜜語吧！更不會賣口乖啦！明顯地，我不是『世界女』的材料，更不會易討人歡心！



柒：易哭是我的本性！什麼都可以哭一大餐，看一齣戲，唱一首歌，分一次別，望一眼，一句話，一個字，一個電話，甚至一想起不開心的事，就會哭！哭過了，人都會長大一點，應該很快就會無事！（自以為的．．．）



捌：喜歡的事有很多：打邊爐，燒烤，遊山玩水去旅行，自由行咁去旅行，同陽光玩遊戲，汗流浹背玩東玩西，玩ＭＢ智樂遊戲，看無聊遊戲節目，看日劇，看人氣網誌，因運動帶來的周身骨痛，整天黏著同一個人，太陽花，做瑜珈，做面膜，按摩，北上看東看西，到沒有人認識的地方尋覓，看海，看天，看山，手機用摺機，冬天，星巴克，麥當奴，試新野，熊貓，凍冰冰，懶洋洋，北京，東京，大自然，藍色及彩色，豆沙包，閃令令，家，知己，大學，清華，海洋公園，畫國畫，中國書法，城門河，烏冬面，辣椒仔



玖：不喜歡的事都有很多：唱ＫＴＶ（可能因為雞仔聲兼且唔夠氣），被人迫食唔鐘意食既食物（如西芹、羌、唐好、苦瓜、鱔等），香港個個人都用既名牌手機款，人云亦云的話題，大勢所吹的衫褲鞋襪，比人誤會，比人鬧，比人指指點點做呢做路，比人嘈醒，同胞等候的方式－蹲下來！



拾：還有什麼？

捐血去喇喂~

未捐過血既我決定呢個星期六日去捐一次!!!