一早諗住陳先生要十二點先可以起行,
咁我就遲d先起身,mimimomo都得
點知,11點鐘去陣poo既時候,佢就ok行得
仲未知去邊添...依家先黎諗!
想了想去愉景灣,咩都無準備點去呢
想去挪亞方舟,又無買定飛,點去呀?
想去踏單車,又好似唔夠時間,得個一陣間
想去睇戲,又唔知睇咩好,剛剛先睇完『同門』咋喎,未想食爆谷住呢
咁...不如去濕身公園啦~反正陳生好耐之前都話想去咖喇~
5點收工,4點停售票,由屋企出發,仲趕得切!
坐了269D去天水圍,再轉輕鐵,過條天橋就係喇~
到達時間為下午2點正,入場前買了小鵪鶉旦食,
入場當然要買票啦,學生15,成人30
我張清華學生證仲有效咖!好多人呢,又有一日團的香港人!好彩今日唔熱咋~
先去看我上次因遲入場而走馬看花的室內展館
看了看魚魚,看了看龜龜,沒什麼好看之後就走了出去外面,
再去看小貝貝,再出去看小蟹蟹,再行多兩行...
左看看右看看,人多的是,不用花3小時就走了!
但是走的路都幾多咖喎~好喇,餓了,出去吃一點下午茶先!
之後, 一時興起去左流浮山食海鮮
我地唔係坐的士去, 而且行去!!! 嘩! 好彩食左個下午tea先行去,
如果唔係真係餓住咁行喇,差不多行了45分鐘呢~
沿河慢慢地行,吹吹風,看人跑步踏單車放下狗,
最後要轉入去車路,好危險呢,好多貨車擦身而過的呢
入到流浮山, 剛好是太陽下山的時間, 5點半, 已經有好多龍友幫個咸旦黃影寫真喇~
5點9左右, 太陽下山了, 我地又要去覓食喇~
由東行去西,再由西行去東,看了一遍, 選了一間多人的, 一定無死!
樓上雅座, 有電視睇, 但越睇越古怪, d人變晒綠色既?
先上小吃兩個: 椒鹽脆花生米及酸橋頭
下樓去看了看海鮮, 叫了一只大蟹, 薑蔥炒, 再黎魚背紅燒, 來多4只大扇貝粉絲蒸
嘩~原來都唔平呢!!!
上菜都好快手下, 唔洗十分鐘就有得食!
先上蒜蓉粉絲蒸扇貝 (都幾大只喎, 大過五蚊銀, 但有3個五蚊銀咁厚, 不過油左少少, 而且蒜泥不夠多!!)
薑蔥炒蟹 (好多蔥, 好好味, 好新鮮呀d蔥, 而蟹就一般, 而且有點咸)
紅燒魚背 (好好味, 好香脆且爽口, 又唔腥, 讚!!!)
蒜蓉炒菜芯 (大條, 而且都算甜, 不過就油了一點點)
甜品--大菜糕和1個細甜橙 (大菜糕出乎我意料之外好吃)
但兩人個食左500蚊, 真係有d貴貴地~
最美中不足的是沒有粥叫, 只有飯, 嘩! 咁都有既?
1支汽水(細樽裝)