忐忑

前幾天可謂食龍肉都無味

無啦啦收大大盒禮物都唔開心得去邊
無啦啦有靚酒店西餅食都食唔落

Shangri-la cake

報告一日未出　定必擔心死了

心情低落到極點



雖則現在都沒出

但都知道星期一媽要再去見醫生睇報告

聽說還要再做多一次素描睇下做唔做得手術



其實還要擔心

但已知道醫生行動了

威爾斯的效果都還可以

不用我們左擔右心

忐忑不安多幾個星期



願主保守母親大人的報告理想

手術可以快ｄ得有做

惡運，往往在你沒有準備時出現

如果可以，我想．．．
代媽媽擔心、
代媽媽辛苦、
代媽媽做手術．．．

但我們只可以等，慢慢地等結果寄到家，
唯一可以做的只是向神禱告，讓那可惡的 5cm 瘤消失得無影無蹤
願主看守我的家！

願公公在天上眷顧我們
自您於去年的父親節離開我們後
每年的父親節都會特別想起您
因為我們仍是多麼的想念您
您跟父親和爺爺相遇了麼？

我只想家人身體健康，可以嗎？

Restaurant City Update

澳門翠苑茶餐廳

咖喱牛腩農夫飽和一個ｔｅａ　ｓｅｔ：鮑片豬頸肉米線

米線先上，男朋友說一般般，但我覺得米線淋左ｄ
等左十分鐘先上個包包，不過真係好熱辣辣呢～

蘸多點咖喱汁，勁濃的香味，滿溢左成個口呀～
而且配上一個紅湯，一個女仔真係未必食得晒

男朋友說凍奶茶不苦，但我覺得有點呢，而且茶味很濃～

蜻蜓點水

謝謝狐狸小姐的分享，很開心與她和ｃｏｎｅｙ的聚會呢～

JW Marriott沙律自助餐

聽人家說JW Marriott 的buffet很出名，一直都未有機會黎試過，今次一大班人黎試左，真係聞名不如見面。

見到網上有介紹說：有沙律自助餐、麵食自助餐及咖喱自助餐，單吃任何一款自助餐收費每位$150，跟甜品自助餐另加$55，如果食「全餐」（所有類型的自助餐）收費$255，與一般酒店自助午餐收費相若。

咦～真係喎～

沙律餐好似好少野，初頭怕會唔飽又凍冰冰，點知可以飲個ｍｅｘｉｃａｎ　ｃｏｒｎ　ｓｏｕｐ，成身暖晒，再食個包包，開始有少少飽了！

但
沙律的配答和選擇十分豐富，五六款沙律菜、各式配料、醬等多款選擇。當我拿起那個大大大大大大大大大大大玻璃碗時，就知道我會食得很飽！由左手邊
起，Baby Spinach Leaf、Lettuce Rocket、Green Oak
Leaf、Romain，再到蔬菜、意粉：青瓜、甜豆、長通粉、磨菇、番茄乾、香蕉乾、蜜瓜、火龍果、菠蘿、哈蜜瓜等，接著再有肉類、乾果及芝士類配料：
大蝦、燒雞胸肉、燒牛肉、墨西哥辣椒等～

本人落左勁多ｎｕｔｓ落去，食到一半時，都已經個口勁累了～哈哈哈～

信用卡有７５折，請埋朋友食都抵到爛啦～

維苑餐廳

兩個人食, 只係用左五十幾蚊!!! 勁抵!!!
因為上維苑個網download dinner coupons, 叫滿一百元就可以用50蚊coupon, 真係勁抵呢!!!
叫了七成熟牛扒拼雞翼鐵板套餐, 另叫了錐苑公司三文治~

好快手落單~其實佢地差不多打烊了! 我地應該係最後落order的了~
味道跟之前食過既都一樣, 水準維持到, 而且夠熱辣辣, 服務態度又好~唔會慢吞吞~
讚~

是次消費:
每人約HKD$28
(晚餐)

上海三六九菜館

成日見到呢間傳統懷舊上海餐館都想試一番
今日卒之有機會喇~
點知12點半後無得book位~

一入到去, 不太多人, 可以剛好12點半吧~
但沒有卡位了, 但侍應叫我們等等, 有卡位就比我地, 太好喇~不往我地book左先黎~
但係點菜時, 就無啦啦比個嬸嬸坤左叫120蚊既蟹肉豆苗,
其實係我地無問價錢, 而且佢介紹親既都係貴既...

後來, 我地隔左一分鐘先問番price, 嘩~ 貢貴既? 都係食唔過, 即cancel啦~
點知都唔得, 佢地已經整左喎!!! 唔係呀嗎, 係咪咁有efficiency呀? 即係擺明焗我地要姐!!!
點知都要等成十分鐘先上table!!! 有無攪錯呀!!!

叫了小籠包10只, 又叫了上海粗炒(忘了叫他少油), 雜錦鍋巴, 醉雞
三個人, 可以叫做剛剛好食得晒!
食物一般, 最唔抵食既都係蟹肉豆苗!!! d蟹一d都無鮮味!!! 又淡然無味!!! 想點呀?

是次消費:
每人約HKD$120
(午餐)

Restaurant City Update

June筍野!!!

OR

生記海鮮飯店 (灣仔)

椒鹽豆腐－－好熱辣辣！好滑既豆腐！（

廢話！哈哈哈～我相信好難做得出唔滑既豆腐！）

豉油皇炒面－－唔咸又唔濕唔硬，味道合當又有色水，又有香味，口感都不錯

鹽焗雞－－少油，但半只雞都要１２０蚊，有點貴，但勝在很滑，連理應最鞋口的雞胸都唔太鞋口喎～

咕嚕肉－－細粒左少少，但好香口，勁脆又好味～送飯一流呢，菠蘿唔會比肉多，青椒的點綴又合到好處，色彩繽紛！正！

例湯－－雖然都係味精湯，但係都好好味～唔太咸喎～

食左成個中午，最好食既係咕嚕肉，因為肉味包係係入面，而且皮薄脆口唔油膩，肉又夠稔唔煙靭，酸甜適中。

服務：勁好！會比碗你洗碗洗筷子，即叫即到落單，成日幫我地加水，見我洗完碗唔記得斟水就問我做咩唔飲茶，哈哈哈～服務真係好一流！改單又唔會黑面，隨傳隨到，真係好好！讚！！！

是次消費:

每人約HKD$100 (午餐)

Kon-katsu

http://www.fujitv.co.jp/kon-katsu/index.html
最近愛上看這個日劇, 真係要個個星期追．．．
點解？ 可能係上戶彩做既時裝劇掛，自《Attention Please》之後，
她所演的幾套日劇《暴れん坊ママ》（我的野蠻老媽）、
《セレブと貧乏太郎》（千金與大貧民），
我都睇晒，只要係現代既劇就好了！
當然不包括《ホテリアー 》（情定大飯店）、《李香蘭 》！

許留山 (旺角)

依家有套餐, 真係好唔錯, 33蚊兩個人share就可以食到兩只雞翼同一個芒果楊枝甘露~
可能上次係第一城食左個芒之戀（芒果雪糕／多芒小丸子／芒果糯米磁），成$30，但勁細碗！
今次都食番傳統野好，但係本人覺得佢個碗越黎越細喇．．．

雪糕狀的芒果很冰很甜！柚子又不太苦，而芒果都相當甜呢～
而瑞士雞翼都幾好，唔咸，看上去好深色，心想一定咸死，點知不錯，幾好，但嫌唔夠熱～

是次消費:

每人約HKD$17 (下午茶)