2009

第一次的小蜜蜂

下午三點三, 黎到小蜜峰, 平時見到好多人o係出面食煙食野, 終於要黎試一次有幾好!
外面真係好多人食煙, 為左唔想食二手煙, 我地打算坐裡面, 但感覺裡面好似好焗咁, 出番出面坐, 點知侍應同我地講:『如果你地想坐入面又怕焗既, 我幫你開大番個冷氣, 頭先有客凍先關細了! 同你開番大佢, 就得咖喇!』

好, 坐低叫野食!
1. 金菇肥牛公仔面($22) 連熱奶茶—金菇浸得過淋, 肥牛真係過肥, 而公仔面剛熟, 唔會太淋, 奶茶夠滑, 但不會熱得令人燙口。
2. 餐蛋治烘底($19) 連凍奶茶—蛋雖厚餐肉薄而小, 包烘得不夠燶, 而凍奶茶叫了少甜, 反而都是甜了點。

見到貼牆的招紙有寫燒乳鴿一隻只賣$33, 又有麻辣煲食, 下次晚市再來試試都好! 因為見到人流, 而且款式多而令人夠多選擇呢!

是次消費:
每人約HKD$20
(下午茶)

評分: 味道 4   環境 3   服務 3   衛生 3   抵食 4

地址 :   沙田翠華花園地下 (糖家小館旁)

公司聖誕派對@灣仔金蘭花泰國菜@ 2008 x'mas

私人聚會是必須要預先一星期前預訂的，因為有同事食過，覺得泰國食物真的很正宗呢！故此希望可以包場與我們分甘同味！由於是次活動參與的人數眾多，有差不多三十七人，所以，好像有點逼，但不緊要，聖誕節最緊要開心，坐迫少少，熱鬧少少，溫暖少少！

店主一早就佈置好場地了，見到有聖誕的掛飾，不錯，而且有很多圓櫈提供予我們，十分細心，而且預備得很周到！老闆娘＋侍應＋大廚都是泰國人，不過她們都會中文，很樂於助人，服務一流！

說說食物吧，人數眾多的關係，所以訂了相當多的份量，但都是不太夠的關係，臨時再加了幾盆很值得encore的再來一盆，廚房做得相當快，很快就滿足到我地呢班嘩鬼的肚容量！最後還要容不下那麼多的食物要打包回去呢！

餐前小食：炸蝦片，每桌都有一小碟，是即炸的，很好味，但略嫌油了少少，不過無計，正常的即炸蝦片都是這樣子！

泰式葉包雞：不過真係油了一點，拆起上來有點麻煩及論盡，但雞肉彈牙好味！

泰式無骨白雲鳳爪 ：廚房加入了洋葱，芹菜，芫茜，最後落泰國酸汁，再雪凍 ，好好味呢！

炒金邊粉：好快就搶食一空，要再加料炮製，幼金邊粉的配料有牙菜、蔥段、泰國臘腸、豆干、蛋絲等等。雖是有一點油，但加了一點點的魚露，味道偏甜且香。食左一啖，真係好開胃！可能金邊粉本身就好滑，加上花生碎同芽菜令到口感一流，色香味俱全！

凍沙律：只記得有好多好多既柚子粒，配上酸酸甜甜既其他配料，勁好食！

豬頸肉：不會『乾爭爭』，肉質很好！由於多數都是瘦肉，啖啖肉的感覺很好；而醬汁就是雞醬及酸辣汁！

泰式拼盤：炸春卷、魚餅及蝦餅，炸得都幾好！很醒胃的小食呢！

釀雞翼：外層炸得脆脆，中間釀了一些蔬菜，不會感覺到太油膩，不過這道菜真的很花時間弄啊，因為要先將雞翼拆骨起肉，但要保留雞翼的原狀，再將雞肉及粉絲、木耳、蔬菜等一些配料釀入雞翼皮中，完成後入鍋炸，再切件上盆，賣相不單只好，而且吃下真的很不錯！

冬陰公，較淡味，唔係好夠辣，可加重及加濃少少味道！

咖喱：叫了多種料，有雞、海鮮、牛等, 附上軟軟薄餅，沾了咖喱汁，放入口，滋味無窮！單單一個人，都可以完成一碟軟薄餅！

炒芥蘭、椰菜苗，味道是一樣的，都不錯，略嫌油多了點

地方：環境雖細，但五臟齊全！長方枱加圓櫈，雖然對於我們三十多個人來說，是有點擠迫，但地方細細，則令大家都親近一點呢！

整體而言：泰國風味出眾，值得推介一試再試！

是次消費:
每人約HKD$120
(午餐)

評分: 味道 5   環境 4   服務 4   衛生 4   抵食 5

Outback Steakhouse + 稻香超級漁港 @ 2008 x'mas

1. 熱辣辣的黑糖麵包─係餐前小食，完全免費唔駛錢，每枱都會有嘅！（而我地有十個人，就有２條）上枱仲係熱辣辣，似剛剛焗好；包面香脆，有一粒粒的糖，內裏質感軟熟，聞落亦有淡淡麵粉香味！塗上香滑牛油甚至淨食一樣好味，我次次都會食晒冇剩，如果有外賣就好嘞！
2. 餐湯－是西蘭花忌廉湯，味道很rich＋creamy，但略嫌奶味重，不過配上那個黑糖麵包吃，很好吃了！
3. Ｎａｃｈｏｓ－紅色黑色，賣相一般，但不熱，而汁都好一般！不建議食！
4. 七成燒牛排(樣子好像是蒸的) 有3cm肥肓黐住, 澳洲牛可能就係咁肥...哈！Mushroom source味道有啲怪, 唔蘸仲好味！
5. Double Cut Lamp Chop－真係唔覺得好食，一ｄ羊味都唔覺得有！
6. 煙肉芝士薯條：一拎起就有絲絲芝士混埋香脆煙肉粒，熱辣辣又脆卜卜既薯條味道濃郁又夠香口，點一點酸忌廉食又係另一番風味，好好味！
7. 燒肉醬味燒肋骨－拚選了雞味飯和甜蕃薯！飯真係好好味，食不停口，好香雞味，而且炒得溫和不過火，故此不會太乾口。甜蕃薯是黃色的，但過了火喉，有點淋，而且食完有ｄ似食糊開了的奶粉！
8. 茄汁海鮮意大利粉－有鮮蝦、魷魚圈和蜆肉，配上自製的海鮮味茄汁，正正地啦！但很快就凍冰冰了！
9. 雞空肉－真係好鞋口，而且唔夠熱，又沒有什麼味道可言！不推介之作！
10. 黑椒牛肉粒－淋左ｄ，而且唔係好夠辣，黑椒味不重，份量尚可接受！但伴碟的西蘭花不太熱，而薯角就剛好，不油不膩！但為何不奉上茄醬給我們呢？

Outback的牛扒永遠都做不到『恰到好處』！要七成就比夠你八成！

不滿只有熱水供應，為何沒有溫水或冰水呢？而且侍應嚴重不足，叫了一次又一次都沒有人回應，而且他們好似夠住收工咁催三催四叫下單！好煩！

是次消費:
每人約HKD$135
(晚餐)

評分: 味道 3   環境 3   服務 3   衛生 4   抵食 3
________________________________________________________________________

一早就知道平安夜很難訂位，但遲遲都未有決定吃什麼好，唯有等到諗到想食乜先算，點知一早朋友們就說不如一齊打邊邊再去看燈飾影相，太好喇，一行三對情侶一共六人，就想了想在什麼地方吃個早飯呢？想了幾間，都是這個新港中心的地點就腳一點，方便行去尖東等地看燈飾。

一大朝早係公司打去問問訂位情況，訂８點的位，一定要去到等人埋單才能入座，但如果６點半就肯定有位，下…６點半，好像早了一點點，算喇，反正有得早放，早點過去坐坐傾傾，就會到７點食飯時間！好啦！就訂６點半６位喇！

朋友早到，點知給了卡位，但真係會坐得好唔舒服，所以轉了去大堂的圓桌罷了！等到人齊了，我們就下單叫食物了！有一張主要的長單張，又有幾張特別（貴）的小單張，如包心丸子、蝦等，先剔了個鴛鴦鍋及以下（部份精選）配料：

美國手切肥牛　ｘ　３：
好多塊薄薄的又靚，好有牛味。非常有水準，牛肉好大塊而且尚算好完整，淥熟左之後達到好好既口感，肉質一流夠嫩夠滑，就算一碟正價要成$４８都抵食～！

三拼餃（魚皮餃x雲吞x水餃）：
各
款都好有水準，不過得番12粒就少左一點喇！餃夠薄皮，不過煮左好耐都唔見佢地爛喎！咬入口，ｄ汁彈出黎，而且好爽口及彈牙，大大粒的雲吞淥熟之後，像極
乒乓球般雲吞裡都有冰鮮蝦及一點豬絞肉，美味可口！而水餃都做得好到家，見到有雲耳在內，不見馬虎！而魚皮餃就應該係街買番黎！

炸魚皮：
好長而且夠大塊，炸得好鬆脆，齋食都唔覺得咸喎！不過，就算放左落個鍋度滾一陣，會唔多覺有層溶左既粉包住魚皮！正！唔怪得之咁多桌都有一碟啦！

脆鯇魚：
真係好新鮮！男朋友更說很久都沒有吃過那麼好吃的脆肉鯇喇！正！
見到個碟上面好似唔係好多咁，但原來一翻開，真係好大塊咖喎～
一塊魚應該有一只食指咁長既直徑咁大塊！嘩～唔洗一淥熟左之後連影都無！

唧唧墨魚面：
嘩！賣相不太好既墨魚面，令我們嚇窒左，因為我地唧佢出黎個時，真係好肉酸，而且當佢淥熟左之後，即會發漲至迷你海蔘般，令你不敢恭畏，但當一口咬下，你就知道有幾彈牙＋好味，因為佢會索晒ｄ湯汁，又可食出墨魚的鮮味！正！

服務：
稻香既侍應加水好快，好自動自覺，
不過就好似吹你走咁！未簽好卡就收晒你桌上ｄ野，連杯都無埋！

價錢：
因為係６－９ｐｍ的正價，更是假日，故此，每人要＄１３５，不過都幾抵，因為食左差不多３個鐘，而隔離桌都轉左兩輪！哈哈哈～

是次消費:
每人約HKD$135
(晚餐)

評分: 味道 5   環境 4   服務 3   衛生 3   抵食 3