滇家菜

三人叫了二人餐, 二人餐都要誠惠你$168(未加一),
在呢個金融海嘯下既呢個價錢, 係唔係仲係貴左點呢?

餐前小菜: 一上菜, 三人都"嘩"了一聲, 真係好小下喎~ 食完都唔覺得食左d咩落肚! 豆角加鮑片嗎? 哈哈哈~真係令人眼前一亮地叫了出來!!!

烏雞湯(好重藥材味, 而且個碗佔了不少空間, 所以份量唔多, 不過我們仨不太喜歡, 所以最後都飲唔晒!)

辣子炒雞: 真係好辣喎~ 而且我仲食到佢d麻子, 真係會麻咀, 不過份量又係少左點

西蘭花扒貴妃菇: 尚算不俗呢, 菇夠多, 菜又入味

湯辣蝦: 有不少冷藏蝦, 幸好沒有雪味, 為數都有十只既...湯中有豆腐及酸菜, 味道不咸, 接受得到!

有coupon送了雲南辣米線一碗, 估不到送既比正常上既餐還要大呢, 一人食唔晒, 二人都可以分到5-6碗, 不錯不錯! 料有: 舞菇、娃娃菜、米線、肉燥及酸菜, 見佢份量不少就知道抵啦! 不過唔係好夠辣喎~

最後送上coupons數張, 但睇怕我地短期內都唔會再黎咖喇喎~

是次消費:
每人約HKD$83
(晚餐)

評分: 味道 3   環境 4   服務 3   衛生 3   抵食 2

地址 :

沙田沙田車站圍1號連城廣場1樓連城美食坊102及103號鋪

餐前菜? 少得可憐!

抵食免費米線~