話說星期四晚去了灣仔板長等食壽司, 點知等左差不多半小時, 都叫不了十張飛
就轉移去新鴻雞中心新開個一間啦!
心諗, 應該無乜人會知道呢一間, or醒起有呢一間既存在啦!
點知, 都係要等3張, 都好過之前咖喇...
眼看, 入面有好多吉桌, 但仲未有人收拾桌面...
一等, 又過了十五分鐘!!! 有無攪錯呀? 咁唔夠人手都有既?
坐左係bar位, 同日本人師傅叫了3件3蚊既3文魚壽司, 原來佢真係唔識中文咖喎
哈哈哈~ 開始食喇...
就係佢喇, 我次次都用日文唔該佢, 佢以為我識講日文添呢...哈哈哈哈~
三文魚尚可以接受, 三蚊, 真係唔可以要求佢比大大件你!!!
由於板長係以件數下單, 對於男朋友多要求 + 心思思試多d 呢種人, 不失為一個好處
咁我又唔洗特登食佢order個d, 而佢又唔洗食兩件, 浪費左d quotas...
差不多叫晒所有灸燒的壽司, 我地成日都想叫佢燒耐d, 但又係唔識講
佢就係我地面前, 都唔識得叫...浪費晒!!!
次次都叫甜旦既我, 熱食最好食, 而且佢係即開一條新既切比我! 正呀!!!
鰻魚係最正既呢, 次次都係我既至愛!!!
而其他的用材都頗新鮮呢...穴子(grilled pork)真係叉燒黎咖! 食左都呻笨~ 呵呵呵
叫了創意卷物, 芒果卷, 好fresh, 好好味, 酸酸甜甜的, 但要等頗長時間!!!
蟹子沙律太多沙拉醬, 不太歡喜, 而且蟹子又少了一點點!!!
而炸蝦都可以叫做暖和新鮮即炸, 又不覺油膩
毛蟹味噌湯不咸且夠熱, 但毛蟹口感怪怪的, 試不了幫牠脫殼...可惜...
整體而言, 如果唔係唔夠人手, 都可接受, 而且唔算太貴, 一人都是一百廿元左右...