理髮奇遇記

話說昨天下午去理個髮，燙頭髮啦～
２點１５分到，已經要等啦，人多的是！
（那家小店是我光顧了好幾年的一家屋村理髮店，
因為價格合理，而且服務不錯，售後服務又不錯，一直光顧下去了～）

等啊等。。。等了十分鐘就有得上座了！幸好事先打了一通電話給虹姐預約了
２點半上座先洗了一個頭，再等了一下，先焗一個油，邊等邊看雜誌
事件就發生在一個帶孫兒入黎剪頭髮的肥伯伯。。。

事源就是他頭一句說話就是：拋窒你！
「我係馬鞍山落黎咖，有無個人快Ｄ咖？」
嘩！你唔好似住自己係老人家就無人會唔話你先得咖！
依家個個客都排緊隊咖，你一入黎就話要剪！你估你邊個呀？
又要指定虹姐幫佢個寶貝孫剪，想點呀？佢有好多客等緊咖，包括我在內！

虹姐可能唔想得失任何一個客，就打算快快手手搵個師傅跟一跟亞伯個孫子
咁佢就搵左個講野唔係好清楚既叔叔黎幫佢剪啦，仲安排左個圓椅比佢坐
而肥伯就一路都企係度望住個師傅點幫佢個寶貝孫剪啦
之不過，睇左一輪之後，佢個孫就周身郁，無時停
師傅都要就住就住，下下都驚整親小朋友，小心翼翼得很
肥伯又大大聲聲地話佢個寶貝孫：「唔好郁呀。。。唔好玩呀。。。乖啦！！！
一陣帶你去麥當奴。。。你再郁，番屋企唔比電視你睇。。。」
以上的說話重重覆覆地說了十次以上，聲線又大，成間鋪都得出聲，好煩

好喇，小朋友說了一句：好痕
肥伯就好緊張地＂目及＂實個師傅！下下都話住晒！
最後連虹姐都忍唔住說：佢都係大師傅黎咖，唔好騷擾佢啦！
肥伯就擺到明，好唔鐘意比個個師傅郁佢個寶貝孫的頭髮！

死喇死喇，佢個寶貝孫就了一句：痛呀！
肥伯就大大聲驚訝地說：「唔好喇唔好喇！你咪再剪喇！睇見到牙煙！佢個個係頭黎咖，你估係田黎咖咩，係咁鋤！唔好喇！唔好喇！你（指虹姐）快Ｄ都我個孫剪完算喇！越睇越驚呀！」
虹姐當然無理佢啦！淡淡地說了句：係痛咖，少少痛咖咋！
肥伯又再重覆一次以上的說話，再大大聲地說，驚死人地唔知佢個孫係寶貝孫！
叔叔師傅停左手，其實佢之前都停左一次手，因為佢真係好怕肥伯係佢身邊指指點點

終於有個師９都頂唔住個肥伯，就鬧佢喇。。。
Ｃ９簡直將我的不滿都講晒出黎！（其實我個時無野做，只係睇雜誌，但不時都轉個頭去瞄一瞄個肥伯，ＢＥＡＲ一ＢＥＡＲ佢，睇下佢知唔知佢有幾黑人憎！）
講真，有好多人都等左一個兩個鐘先有得入座，佢一入黎就有得坐，都係咁啦～
佢仲要大聲夾惡地同個Ｃ９嘈喎，不過，可能佢知衰，駁左兩句之後就認錯
「好喇好喇，就當我唔ａｒｍ，對唔住喇！」ｃ９當然唔理佢，繼續話佢啦！
「我都已經道左歉啦！算啦，唔好嘈喇！係喇係喇！我係野蠻喇！得未呀？收聲啦！」
嘩～仲叫人地收聲，係邊個嘈先咖呢呵？呢個世界上唔係只得你同你個寶貝孫兩個人咖咋，你快ｄ番番去火星啦！野蠻人！

虹姐都話左佢幾句之後，就拿拿聲去幫佢個寶貝孫快手快腳地剪埋佢，
打發佢走人算喇，小朋友頭，盛惠３８大元，我真係想用四十蚊打發佢走算！
佢地一走，成間鋪頭ｄ人都話緊佢！哈哈哈哈，好好笑！
個個客都好團結呀，幫師傅出氣，鄧佢唔抵咁～

呢一幕真係好似睇戲咁！
唔知呢個可唔可以叫做【髮型屋肥伯】呢？

爆頭中，耗時３個半小時完成，比上次整左三次都唔成功，今次係最快！
多謝６８０蚊呀～

貓貓叫做米奇，佢肚子餓了就搵人喵喵喵，叫人比野佢食
虹姐就叫我餵佢食野，乾糧加兩匙濕糧，食到佢咀黏黏

不過佢就食左一半就唔食啦，走左出去玩

我走了，拜拜米奇，眼尾都唔望一眼！哼！邊個比野你食咖？
忘恩負義！！