海將小食

男朋友食完大家樂之後覺得唔夠飽...就去左食呢間野
見到佢好似未裝修好就有生意做, 就膽粗粗入左去試喇...

環境: 好一般, 而且有少少大陸feel, 唔知係唔係因為未裝修好...食堂咁既?
點左車仔面同翅之後, 一邊睇電視一邊等, 等呀等...等左5分鐘先有野食

點解呢? 因為煮野食既只有一個男人, 另一個女人(我估係佢老婆)就只識得寫菜同飲汽水

1. 傳統雜面($23): 即係咩都有, 有牛丸豬肉丸魚皮餃鯪魚肉生菜+粗面(本身我係叫油面, 都唔知點解會變左做粗面...>.<); 都食得落口, 不過就咸左少少囉...料都齊, 但就真係無咩特別好食...

2. 三溝($11): 即係生菜+魚肉+翅; 嘩! 真係粉絲當翅喎~比條素魚翅黎睇下都無...生菜又唔係切絲, 大大條比你, 而魚肉就夠爽既, 不過又係多粉左少少...

是次消費: 每人約HKD$17 (下午茶)

地址 :

大埔廣福商場1樓P204號