鴻星海鮮酒家--將價就貨

打去訂位的時候, 說要4人松腳蟹餐, 點知有個嬸嬸說沒有了, 轉了另一個人同我講, 都話做到9月30日, 10月1日就沒有! 我說網上跟報紙都寫明是到10月31日, 不是9月30日, 究竟有定無?
最後轉到去一個叫李主任的跟我說話, 話有! 咁我再問清楚佢, 係唔係一定有, 會唔會去到就無!佢就好肯定地告訴我已經寫了下來一定有, 放心吧!

我們4人7點埋位, 不是很多人食飯, 所以招呼還可以,
會問好多次有茶未, 又問係2位定4位, 叫咩餐等等, 又幫我地斟埋茶, 服務好似好好咁

下單叫了四人餐:

燕窩冬茸熷生翅--好水下, 唔多見到有燕窩既? 但翅都有幾條

川椒雞帶子--好細碟呢, 4人份量喎, 點解一人一件雞都無既, 帶子好明顯係一開二

百花炸釀松葉蟹腿--香脆是必然的, 但蟹味不濃郁

脆皮烤野鴨--好油呀!!! 而且吃過一件後, 感覺得好膩了!

飄香荷葉飯--乾身但無咩料, 一只冬菇都應該無, 切得好細粒下, 而雞粒都是!

麻沙糍--甜椰椰的, 尚好的是熱~

蒜蓉粉絲蒸扇貝--最差之作, 88蚊8只, 粉絲太淋, 扇貝有沙! 而且催左十次先上, 好明顯係漏左單!!! 叫了十萬次都話叫等多十分鐘, 想cancel時又出黎了!

紅豆沙--一個字:淡而無味! 唔係沖水, 但好明顯係唔記得下糖!

服務不過不失, 沒有黑面, 說會跟單, 但見到有人說不擺位, 只顧現客好了, 聽得出係講悔氣說話!

地址 :

九龍灣牛頭角道77號淘大花園2期1樓