へや差不多攪掂...北上買料記

新裝的室內保安電話及電制--都幾令呢~

廚房個吸咀仲未上, 但係今個星期六就交樓喇喎!

用左30分鐘自行安裝吊燈一盞
係田貝四路的家合居買的，買個時就好聲好氣，咩都話得
點知拎左新的燈，叫佢轉d吊飾又話唔得！
要加錢，之前又話得，依家又要人地加錢！
真係好嬲, 唔想買, 但見我地都留左係度好耐傾奇勝電制
而且盞燈都黎左, 試埋就算！
點知，講極都唔明，笨到死！
我只係叫佢裝好晒比我睇下，好唔好換埋其他的吊飾，
佢地應該就係懶，唔想同我裝拆，所以就話會整爛！
算喇算喇，都係RMB360，唔加錢，唔同你講
試左LED燈就算!!! 等我得閒搵番佢地張卡片出黎
打番佢地個名，以後叫人唔好幫親佢地!
簡單地址：田貝四路家合居三樓(中間兩間鋪位, 不靠近扶手電梯那間)

反之，靠近扶手電梯那間，老闆好好人，只係Ｄ數目報價有Ｄ亂
所以我地都係格晒價，知道晒價先去同佢講價問價買制，因為奇勝好煩
佢地要搵另外一間公司去供貨，又要等佢地拎貨
故此，我地等拎貨期間，去左食飯先！

我地打算裝係電視個邊，好似幾好，同明星海鮮舫互相輝映

最鐘意佢Ｄ吊飾，玻璃扮水晶

Ｃ－ＦＵ自己貼牆紙，新舊兩只色，唉！
唔理佢，再貼過！

呢邊就ＯＫ！

走廊依家感覺好似好長咁！

牆紙師傅貼好一邊喇！
真係好好多呀！好過鄧（賴）師傅手功多多聲！

廁所的鏡箱都整番好！
點解要再整過？唉！講起真係慶過火！
呢個鏡箱係由三塊鏡組成，面積相當之闊
點知中間個塊鏡打開個時，就知道會邊撞邊！
嘩！咁咪好易撞花整爛囉！
咁點得咖！快快脆脆整番好先得！

熄左燈都好光猛！

清潔左之後就乾淨左好多！

之前呢度無啦啦爆左水喉要我地拎錢出黎搭棚，
依家整番好晒喇！再同我地講個ＳＩＮＫ盆下又有漏水，
都唔知係唔係路！

開左燈真係好光猛，又見到Ｄ馬賽克閃閃地！

座廁ＴＯＴＯ唔比人用住，因為我要第一個去！

出門口見到個度日式門就係主人房喇

牆紙師傅，打赤膊貼牆紙，左膊放白毛巾
轉頭就用黎掃平Ｄ牆紙，想點先
你Ｄ汗咪掃番係個牆度？唉！都唔知話佢好定唔話佢好！

原來一有風，盞燈就會有聲，好似風鈴咁噹噹聲

對花－－貼牆紙的首要條件！

佢膊頭條毛巾－證據確作！
睇佢個背脊濕晒，就知條毛巾有咩用啦！