富聲魚翅海鮮酒家

我們仨叫了8個『菜』，不過真係好好味！
之前同事介紹黎呢度食飯，真係好得！無得頂！

一黎就叫了一碟

例牌叉燒先！
一咬口係勁鬆化，而且係入口即溶而不膩，好味到暈呀！

再黎

七味豆腐，嘩！又係熱辣辣即整，好味都傻！
外面脆扑扑，內裡軟林林，真係正！最重要係熱辣辣！

叫了幾樣點心：

糯米瓖排骨、鼓汁鳳爪、百花瓖魚肚、
特製蘿蔔糕、脆皮叉燒包
再叫了一個魚湯海鮮泡飯

糯米瓖排骨：嘩～呢個配撘，簡正係無得頂呀！糯米好香，而排骨ｄ汁又落晒去ｄ糯米度，正！

鼓汁鳳爪：好入味，而且鳳爪好多骨膠原，正！

百花瓖魚肚：好滑唔油，正！

特製蘿蔔糕：有好多蝦膠釀左入去個蘿蔔糕度，好特別！

脆皮叉燒包：一黎就叫，點知就等左差不多一個鐘先黎，不過真係好香好脆，燶燶地先好食！

魚湯海鮮泡飯：催左好多次，話唔要佢先黎，其實我地食左好多點心，都已經七七八八，可以唔洗食咖喇！點知一黎，原來佢分到４碗咋！魚湯好正！

是次消費:
每人約HKD$150
(午餐)