新香園 (堅記) (深水埗)

三點鐘，食個下午茶鬆一鬆先得！
今次係冒名而來的！見有好多人寫佢地ｄ蛋牛治好好食，就決定食完街頭小食之後，都要黎多一轉先得！唔係好知店舖係邊，就搵左一陣，見到桂林街好多食肆云集，好驚呢間店好隱蔽難搵，原來一ｄ都唔難搵，正，快快腳入去睇下先！
入到店鋪，人流算多，張張枱都係答枱，咁我地唯有答枱啦，一坐低就叫左馳名食物蛋牛治同熱奶茶先。諗諗下，好似烘左底既蛋牛治可能會好味好多，就叫亞姐幫我加烘底啦！我以為佢會加我錢，點知唔會喎竟然！

蛋牛治烘底

賣相真係好吸引！見到廚房係用鮮牛肉混和雞蛋一起煎，而且d牛肉好與別不同，非常入蛋味，蛋中又有鮮牛味！不過見到ｄ牛，又唔係好似係牛，似係叉燒多ｄ喎～哈哈哈！我同陳生一人一半，一路食一路話好香話好好味，講講下好快就食完喇！真係令人回味無窮！

紅豆冰駕到

好大杯喎～一個人飲完都好飽，不過面頭ｄ冰真係好多下，“不”極都仲有係度！而且飲紅豆冰支飲筒太細喇，每一啖紅豆水，都有紅豆塞住左既！不過紅豆好好食，不太甜又不淋！紅豆粒粒分明！

熱奶茶

陳生說不太滑，見佢地用ｄ舊式既茶壺，以為佢地ｄ奶茶沖出黎會好好味啦，點知原來唔係喎！陳生說感到失望，因為呢杯奶茶同絲襪奶茶還有一段距離呢！可能我地抱得太大既期望喇！希望越大，失望都越大掛！

陳生最後話下次黎，要試下佢地ｄ豬手面先得，不過我見到對面的食客碗炸醬撈面份量唔多，而且配料好少喎～
而我下次一定要黎試下佢地既菠蘿冰先得喇！仲有佢地既蛋牛治不烘底，試下佢地既原汁原味先得！

是次消費:

每人約HKD$15

評分: 味道 4   環境 3   服務 3   衛生 3   抵食 4