碌冧法式越南料理

呢期開始鐘意食越南食物, 其實都維持左一年有多,
見openrice上的食家都大讚這家餐廳, 就上來一試, 惜逢妹妹也一想嚐生牛肉河,
當我一記起旺角雅蘭中心六樓有得食, 就上去一試吧!!!
六點鐘, 肚就餓了, 可能行得太耐街, 而且行了一整個下午,
又剛在朗豪逛完, 就過對面馬路上樓食越南菜, 剛剛好!

一出朗豪坊就見到[碌冧法式越南料理]的宣傳廣告燈牌高高地掛在雅蘭中心上,
標明了幾樓, 一目了然呢! 很快地上了電梯, 到達五樓,
奈何要再多上一條扶手電梯才到達六樓
上到去, 見到很多餐廳琳瑯滿目, 要細看餐廳名字才知道[碌冧法式越南料理]是位於中間位
看了看餐牌, 侍應就介紹佢地係越南餐廳, 其實唔洗佢黎介紹, 我地都決定食咖喇, 哈哈哈!
再細看餐牌, 有全日特價野食喎~ 咁岩又係生牛肉河喎~
咁就叫了以下的食物, 應該夠喇掛, 有前菜, 主菜及小食~

--與妹妹叫了兩個生牛肉湯河

:
上枱先用茶壺倒熱湯, 感覺到家周到! 而且侍應提我地一定要用快子攪暈佢先好食, 因為d味同d料都係個底多d! 生牛肉係熱湯之內要撈起即食,
如果唔係生牛肉好快就變晒熟牛肉, 而且好un ~牛肉都幾多幾大塊, 肥肉唔見得有, 而且有成5-6塊~粉上面有洋蔥、芫荽、九層塔葉一棵!
d粉索咗d汁好味!!! 個湯味道清甜, 飲了幾啖都唔咸or口渴! 比起好多其他味精店, 呢個湯算很好, 而且價錢勁抵, 幾滿意!
隨粉奉上青檸四分一個及紅青辣椒切粒, 但我見辣度唔夠, 就問侍應拎辣椒粉啦, 原來係無咖喎~ 咁就叫佢拎多d辣椒粒啦! 好野, 顏左d辣椒粒,
倒入粉內, 嘩! 真係好辣喎~ 連個湯都即刻辣晒!!! 正呀!!!

--媽媽叫了咖哩牛腩紅糙米粉

: 見到d米粉真係好幼, 不過真係唔覺得佢有紅糙米喎~ 又唔係比咖哩d色蓋過左, 點解會叫做紅糙米呢, 真係百思不得其解!!! 咖哩不算辣, 但夠晒色, 賣相不錯! 而牛腩都算係咁, 唔太un, 不過都少淋, 而且份量唔多, 只有4-5小舊, 味道都尚可!

--木瓜 牙車快

: 半個青木瓜送上桌面, 狗牙邊的木瓜賣相不錯, 一上枱呆了!

完全沒有想過有這樣的沙律! 正喎~ 即刻覺得筍左! (不過唔知佢係唔係循環再用呢?) 木瓜面上有一小棵蔥的物體, 下面堆了雞肉, 洋蔥,
木瓜絲, 乾炸蒜頭粒碎! 份量應該夠二人的份量, 不過對我們來說, 都不多不少, 剛剛好既…雞肉肉地有點鞋, 而d雞絲用刀切, 不是手撕,
食落有少少雪味, 較為遜色了點。但整體味道配合埋魚露的香味, 真係好! 酸酸的味道, 加上木瓜的爽口, 真係一道好好的餐前食物!

--越南粉皮

: 去親食越南餐, 都一定會食! 呢個粉包不算太熱, 不過好香芫茜味, 但不夠花生在裡面! 整體尚算可以, 每件之間都有扎肉, 賣相都不錯!

叫加水及服務都好快! 收碟及反應都好快!

唔知係唔係經濟差左, 見唔到有人龍 or 多人入座, 所以人流不算多!

埋單匯豐信用卡有九折, 但我地沒有, 咁就二百五十蚊! 一人都係80左右, 好抵!

是次消費:

每人約HKD$80 (晚餐)

評分: 味道 4   環境 4   服務 4   衛生 3   抵食 3